TimTimaate the jo charaagh kabhi — Faisal Qadri Gunnauri

us ne jab se haath pakaDnaa chhoD diyaa
tab se ham ne saath mein chalnaa chhoD diyaa

— Faisal Qadri Gunnauri

tum jo chaaho vo karte phirte ho
saari paabandiyaan hami par hain

— Faisal Qadri Gunnauri

teraa aaina kah rahe hain mujhe
meri tasvir dekhne vaale

— Faisal Qadri Gunnauri

ab zindagi se koi bhi shikva nahin mujhe
tu mil gayaa to koi tamanna nahin mujhe

— Faisal Qadri Gunnauri

dil kaa mire parinda tumhaare qafas mein thaa
jab tak tumhaaraa haath miri dastaras mein thaa

— Faisal Qadri Gunnauri

ai chaaraagar ye kaisi hain davaaein
miri taklif baDhti jaa rahi hai

— Faisal Qadri Gunnauri

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri