bhaTak na jaataa agar zaat ke bayaabaan mein — Farooq Nazki

kaanch ke alfaaz kaaghaz par na rakh
sang-e-maani ban ke Takraaungaa main

— Farooq Nazki

hisaar-e-khauf-o-hiraas mein hai butaan-e-vahm-o-gumaan ki basti
mujhe khabar hi nahin ki ab main junub mein yaa shumaal mein huun

— Farooq Nazki

jab koi naujavaan martaa hai
aarzu kaa jahaan martaa hai

— Farooq Nazki

aap ki tasvir thi akhbaar mein
kyaa sabab hai aap ghar jaate nahin

— Farooq Nazki

tu khudaa hai to bajaa mujh ko Daraataa kyuun hai
jaa mubaarak ho tujhe tere karam kaa saaya

— Farooq Nazki

mujh se kyaa puchhte ho naam pata
main to bas aap kaa hi saaya huun

— Farooq Nazki

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

yuun to maujud apne ghar mein hai
aadmi mustaqil safar mein hai

— Saleem Amrohvi

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui