ik musalsal dauD mein hain manzilein aur faasle — Iftikhar Imam Siddiqi

vo apni nafraton ko kahaan jaa ke baanTtaa
us ke liye to shahr mein aasaan main hi thaa

— Iftikhar Imam Siddiqi

jo chup rahaa to vo samjhegaa bad-gumaan mujhe
buraa bhalaa hi sahi kuchh to bol aauun main

— Iftikhar Imam Siddiqi

phir us ke baa'd ta'alluq mein faasle honge
mujhe sambhaal ke rakhnaa bichhaD na jaaun main

— Iftikhar Imam Siddiqi

dard ki saari tahein aur saare guzre haadse
sab dhuaan ho jaaeinge ik vaaqia rah jaaegaa

— Iftikhar Imam Siddiqi

vo khvaab thaa bikhar gayaa khayaal thaa milaa nahin
magar ye dil ko kyaa huaa kyuun bujh gayaa pataa nahin

— Iftikhar Imam Siddiqi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb