bichhDaa kuchh is adaa se ki rut hi badal gai — Khalid Sharif

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

'khaalid' main baat baat pe kahtaa thaa jis ko jaan
vo shakhs aakhirash mujhe be-jaan kar gayaa

— Khalid Sharif

naakaam hasraton ke sivaa kuchh nahin rahaa
duniyaa mein ab dukhon ke sivaa kuchh nahin rahaa

— Khalid Sharif

tum khush raho hamaari duaa hai tamaam-umr
apni to khair jaisi bhi guzri guzar gai

— Khalid Sharif

aaj kuchh rang digar hai mire ghar kaa 'khaalid'
sochtaa huun ye tiri yaad hai yaa khud tu hai

— Khalid Sharif

aankh kis lafz pe bhar aai hai
kaun si baat pe dil TuuTaa hai

— Khalid Sharif

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki