vo jab tak ki zulfein sanvaaraa kiyaa — Khwaja Hasan 'Hasan'

rahi be-qaraari asiri ki yuun hi
to sayyaad TukDe tiraa daam hogaa

— Khwaja Hasan 'Hasan'

vaqt-e-nazzaara na ro kahte the ai chashm tujhe
shiddat-e-girya se le khaak na sujhaa, dekhaa

— Khwaja Hasan 'Hasan'

umanD ke aankh se ik baar bah chale aansu
hansi hansi mein jo zikr-e-vidaa-e-yaar aayaa

— Khwaja Hasan 'Hasan'

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

— Mir Taqi Mir

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz