yak-ba-yak naam le uThaa meraa — Khwaja Meer Dard

ne gul ko hai sabaat na ham ko hai e'tibaar
kis baat par chaman havas-e-rang-o-bu karein

— Khwaja Meer Dard

tujhi ko jo yaan jalva-farmaa na dekhaa
baraabar hai duniyaa ko dekhaa na dekhaa

— Khwaja Meer Dard

baagh-e-jahaan ke gul hain yaa khaar hain to ham hain
gar yaar hain to ham hain aghyaar hain to ham hain

— Khwaja Meer Dard

aankhein bhi haae nazaa mein apni badal gaiin
sach hai ki bekasi mein koi aashnaa nahin

— Khwaja Meer Dard

ghaafil khudaa ki yaad pe mat bhuul zinhaar
apne taiin bhulaa de agar tu bhulaa sake

— Khwaja Meer Dard

saaqi mire bhi dil ki taraf Tuk nigaah kar
lab-tishna teri bazm mein ye jaam rah gayaa

— Khwaja Meer Dard