bhaTkaa phire hai majnun lailaa ke qaafile mein — Lala Kanji Mal Saba

kyaa tu ne kuchh 'sabaa' se ai tund-khu kahaa hai
rotaa huaa idhar se baa-chashm-e-tar gayaa hai

— Lala Kanji Mal Saba

nahin maalum ai yaaro 'sabaa' ke dil mein kyaa aayaa
abhi jo baiThe baiThe vo yakaayak aah kar uTThaa

— Lala Kanji Mal Saba

'sabaa' ham ne to hargiz kuchh na dekhaa jazb-e-ulfat mein
ghalat ye baat kahte hain ki dil ko raah hai dil se

— Lala Kanji Mal Saba

naaseh nasihatein ye kahaan yaad rahti hain
hazrat abhi kisi se tabiat lagi nahin

— Lala Kanji Mal Saba

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz