paDaa huun main yahaan aur dil vahin hai — Mardan Ali Khan Rana

rasm ulTi hai khub-ruyon ki
dost jis ke bano vo dushman hai

— Mardan Ali Khan Rana

ki riyaa se na shaikh ne tauba
mar gayaa vo gunaahgaar afsos

— Mardan Ali Khan Rana

tere aate hi dekh raahat-e-jaan
chain hai sabr hai qaraar hai aaj

— Mardan Ali Khan Rana

jis ko dekho vo nuur kaa buqa
ye paristaan hai ki london hai

— Mardan Ali Khan Rana

pyaar ki baatein kijiye saahab
lutf sohbat kaa guftugu se hai

— Mardan Ali Khan Rana

diyaa vo jo na thaa vahm-o-gumaan mein
bhalaa main aur kyaa maangun khudaa se

— Mardan Ali Khan Rana

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki