dekho nigaah-e-shauq se meri taraf mujhe — Munshi Khairati Laal Shagufta

na sharmaao aankhein milaa kar to dekho
mulaaqaat hai ham se tum se kabhi ki

— Munshi Khairati Laal Shagufta

ba-shakl-e-naakhun-e-angusht sar kaTaane se
hayaat milti hai jab intiqaal hotaa hai

— Munshi Khairati Laal Shagufta

haT na kar ai dukht-e-raz betaabiyaan baDh jaaeingi
gir paDegi paanv par dastaar-e-minaa dekhnaa

— Munshi Khairati Laal Shagufta

main vo shaidaa-e-gesu huun ki aksar mausam-e-gul mein
miraa paa-e-nazar paDtaa hai zanjir-e-gulistaan par

— Munshi Khairati Laal Shagufta

adab bakhshaa hai aisaa rabt-e-alfaaz-e-munaasib ne
do-zaanu hai miri tab-e-rasaa tarkib-e-urdu se

— Munshi Khairati Laal Shagufta

jo husn-o-ishq kaa ham-vazn imtihaan Thahraa
vo be-dahan nazar aayaa mein be-zabaan Thahraa

— Munshi Khairati Laal Shagufta

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

abr barse to inaayat us ki
shaakh to sirf duaa karti hai

— Parveen Shakir

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

harif-e-matlab-e-mushkil nahin fusun-e-niyaaz
duaa qubul ho yaa rab ki umr-e-khizr daraaz!

— Mirza Ghalib

miraa haal puchh ke ham-nashin mire soz-e-dil ko havaa na de
bas yahi duaa main karun huun ab ki ye gham kisi ko khudaa na de

— Kaleem Aajiz