baiThe raho kuchh der abhi aur muqaabil — Rajendra Nath Rahbar

kahin zamin se ta'alluq na khatm ho jaae
bahut na khud ko havaa mein uchhaaliye saahib

— Rajendra Nath Rahbar

ek din bhige the barsaat mein ham tum donon
ab jo barsaat mein bhigoge to yaad aaungaa

— Rajendra Nath Rahbar

main thaa kisi ki yaad thi jaam-e-sharaab thaa
ye vo nashist thi jo sahar tak jami rahi

— Rajendra Nath Rahbar

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal