ik nigaah-e-ghalat-andaaz sahi — Safdar Mirzapuri

ghar to kyaa ghar kaa nishaan bhi nahin baaqi 'safdar'
ab vatan mein kabhi jaaeinge to mehmaan honge

— Safdar Mirzapuri

qismaton se milaa hai dard hamein
kahin aaraam-e-dil na ho jaae

— Safdar Mirzapuri

jaur-e-aflaak ki shirkat ki zarurat kyaa hai
aap kaafi hain zamaane ko sataane ke liye

— Safdar Mirzapuri

qimat-e-jins-e-vafaa nim-nigaahi tauba
aisi baatein na karein aap ki saudaa na bane

— Safdar Mirzapuri

zaraa vo khaak mein milne na de khun-e-shahidaan ko
khudaa taufiq de itni zamin-e-ku-e-jaanaan ko

— Safdar Mirzapuri

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki