main ne bhi dekhne ki had kar di — Shehpar Rasool

dusron ke zakhm bun kar oDhnaa aasaan nahin
sab qabaaein hech hain meri ridaa ke saamne

— Shehpar Rasool

khayaal-o-khvaab ko naam-o-nasab ko achchhaa ho
puraane saalon se ye saal sab ko achchhaa ho

— Shehpar Rasool

mujhe bhi lamha-e-hijrat ne kar diyaa taqsim
nigaah ghar ki taraf hai qadam safar ki taraf

— Shehpar Rasool

koi saaya na koi ham-saaya
aab-o-daana ye kis jagah laayaa

— Shehpar Rasool

rekhta kaa ik nayaa majzub hai 'shahpar' rasul
shohrat us ke naam par ik nang hai bohtaan hai

— Shehpar Rasool

'shahpar' miri hadon kaa taayyun kare koi
aankhon se bah rahun ki ragon mein phiraa karun

— Shehpar Rasool