toDe baghair sang taraashe na jaaeinge — Siraj Alam Zakhmi

dil mein tufaan nahin aankh mein sailaab nahin
aise jiine se to behtar thaa ki mar hi jaate

— Siraj Alam Zakhmi

koi shikva koi gila de de
mujh ko jiine kaa hausla de de

— Siraj Alam Zakhmi

bevafaai kaa mujhe ilzaam detaa thaa vo shakhs
main ne bhi itnaa kiyaa bas us ko sachchaa kar diyaa

— Siraj Alam Zakhmi

itnaa na duur jaao ki jiinaa muhaal ho
yuun bhi na paas aao ki dam hi nikal paDe

— Siraj Alam Zakhmi

khud ko bachaaun jism sambhaalun ki ruuh ko
bikhraa huaa hai dard yahaan se vahaan talak

— Siraj Alam Zakhmi

vo itni shiddaton se sochtaa hai
ki jaise main bhi koi masala huun

— Siraj Alam Zakhmi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli