le ke tesha uThaa hai phir mazdur — Wamiq Jaunpuri

kaun suntaa hai bhikaari ki sadaaein is liye
kuchh zarifaana latife yaad kar lete hain ham

— Wamiq Jaunpuri

pahchaan lo us ko vahi qaatil hai hamaaraa
jis haath mein TuuTi hui talvaar lage hai

— Wamiq Jaunpuri

mire fikr o fan ko nai fazaa nae baal-o-par ki talaash hai
jo qafas ko yaas ke phunk de mujhe us sharar ki talaash hai

— Wamiq Jaunpuri

vo vaade yaad nahin tishna hai magar ab tak
vo vaade bhi koi vaade jo mai pilaa ke liye

— Wamiq Jaunpuri

kis ne basaayaa thaa aur un ko kis ne yuun barbaad kiyaa
apne lahu ki bu aati hai in ujDe baazaaron se

— Wamiq Jaunpuri

ye maanaa shisha-e-dil raunaq-e-baazaar-e-ulfat hai
magar jab TuuT jaataa hai to qimat aur hoti hai

— Wamiq Jaunpuri