charag chand shafaq shaam phuul jhiil saba — Anjum Irfani

ham fana-nasibon ko aur kuchh nahin aata
khuun sharab kar lena jism jaam kar lena

— Anjum Irfani

tesha-ba-kaf ko a.ina-gar kah diya gaya
jo aib tha use bhi hunar kah diya gaya

— Anjum Irfani

udhar sach bolne ghar se koi divana niklega
udhar maqtal men istiqbal ki tayyariyan hongi

— Anjum Irfani

baat kuchh hogi yaqinan jo ye hote hain nisar
ham bhi ik roz kisi sham.a pe jal kar dekhen

— Anjum Irfani

yak-ba-yak jaan se guzarna to hai asan 'anjum'
qatra qatra ka.i qiston men pighal kar dekhen

— Anjum Irfani

sar-e-rah mil ke bichhaD ga.e tha bas ek pal ka vo hadsa
mire sehn-e-dil men muqim hai vahi ek lamha azaab ka

— Anjum Irfani