hamen bada-kash-e-dard-e-tamanna — Anwar Moazzam

ek avaz to gunji thi ufuq-ta-ba-ufuq
karvan gum hai kahan gard-e-safar se puchho

— Anwar Moazzam

vo habib ho ki rahbar vo raqib ho ki rahzan
jo dayar-e-dil se guzre use ham-kalam kar lo

— Anwar Moazzam

sab dikhate hain tira aks miri ankhon men
ham zamane ko isi taur se mahbub hue

— Anwar Moazzam

kaun roya pas-e-divar-e-chaman akhir-e-shab
kyuun saba lauT ga.i rahguzar se puchho

— Anwar Moazzam

ankhon men ghul na jaa.en kahin zulmaton ke rang
jis samt raushni hai udhar dekhte raho

— Anwar Moazzam

aao dekhen ahl-e-vafa ki hoti hai tauqir kahan
kis mahfil ka naam hai maqtal khinchti hai shamshir kahan

— Anwar Moazzam