meri ye aarzu hai vaqt-e-marg — Ghamgeen Dehlvi

jaam le kar mujh se vo kahta hai apne munh ko pher
ru-ba-ru yuun tere mai piine se sharmate hain ham

— Ghamgeen Dehlvi

vo lutf uTha.ega safar ka
ap-apne men jo safar karega

— Ghamgeen Dehlvi

mujhe jo dosti hai us ko dushmani mujh se
na ikhtiyar hai us ka na mera chara hai

— Ghamgeen Dehlvi

haath se mere vo piita nahin muddat se sharab
yaaro kya apni khushi main ne pilana chhoDa

— Ghamgeen Dehlvi

kiya badnam ik aalam ne 'ghamgin' pak-bazi men
jo main teri tarah se bad-nazar hota to kya hota

— Ghamgeen Dehlvi

koi samjhao unhen bahr-e-khuda ai momino
us sanam ke ishq men jo mujh ko samjhate hain log

— Ghamgeen Dehlvi