ki kisi par na jafa mere ba.ad — Haqeer

TuTen vo sar jis men teri zulf ka sauda nahin
phuTen vo ankhen ki jin ko diid ka lapka nahin

— Haqeer

janta us ko huun dava ki tarah
chahta us ko huun shifa ki tarah

— Haqeer

mujhe ab maut behtar zindagi se
vo ki tum ne sitamgari ki tauba

— Haqeer

band-e-qaba pe haath hai sharma.e jaate hain
kamsin hain zikr-e-vasl se ghabra.e jaate hain

— Haqeer

but ko pujunga sanam-khanon men ja ja ke to main
us ke pichhe mira iman rahe ya na rahe

— Haqeer

dekha baghaur aib se khali nahin koi
bazm-e-jahan men sab hain khuda ke sanvare log

— Haqeer