jag men aa kar idhar udhar dekha — Khwaja Meer Dard

ham tujh se kis havas ki falak justuju karen
dil hi nahin raha hai jo kuchh aarzu karen

— Khwaja Meer Dard

haal mujh gham-zada ka jis jis ne
jab suna hoga ro diya hoga

— Khwaja Meer Dard

nahin shikva mujhe kuchh bevafa.i ka tiri hargiz
gila tab ho agar tu ne kisi se bhi nibha.i ho

— Khwaja Meer Dard

aziyyat musibat malamat bala.en
tire ishq men ham ne kya kya na dekha

— Khwaja Meer Dard

hai ghalat gar guman men kuchh hai
tujh siva bhi jahan men kuchh hai

— Khwaja Meer Dard

vahdat men teri harf dui ka na aa sake
a.ina kya majal tujhe munh dikha sake

— Khwaja Meer Dard