mahfil men un ki khul gaya dil ka muamla — Muztar Haidri

khulus ho to kahin bandagi ki qaid nahin
sanam-kade men tavaf-e-haram bhi mumkin hai

— Muztar Haidri

koi bhi shakl mukammal kitab ban na saki
har ek chehra yahan iqtibas jaisa hai

— Muztar Haidri

kal raat mire dil ne phir chupke se puchha hai
'muztar' tiri aahon men aa.ega asar kab tak

— Muztar Haidri

sang-rezo ko haqarat se na Thukra.iye aap
khaak ke zarre bhi siine men sharar rakhte hain

— Muztar Haidri

ik Thes bhi halki si patthar se giran-tar hai
nazuk hai ye dil itna shishe ka ho ghar jaise

— Muztar Haidri

haa.e be-chehragi ye insan ki
haa.e ye admi-numa kya hai

— Muztar Haidri