sab se baDa ye jurm tha mera isi liye badnam hui — Rafia Shabnam Abidi

"khud-kushi qatl-e-ana tark-e-tamanna bairag zindagi tere nazar aane lage hal kitne"

"kis saliqe se khayalon ko zaban de de kar mujh ko us shakhs ne baton men laga.e rakha"

"mujhe to yaad hai ab tak vo kya zamana tha tire javab ka mausam mire saval ke din"

"miri baten hamesha hi tumhen yunhi si lagti hain to mat sunna magar kuchh ho hi jaa.e to na pachhtao na ghabrao kaha tha na"

"koi shahna.i se kah do zara khamosh rahe shor achchha nahin lagta mujhe baraton ka"