kashmir ki vaadi men be-parda jo nikle ho — Saghar Azmi

tum se milti-julti main avaz kahan se la.unga
taj-mahal ban jaa.e agar mumtaz kahan se la.unga

— Saghar Azmi

kis tarah bhula.en ham is shahr ke hangame
har dard abhi baaqi hai har zakhm abhi taaza hai

— Saghar Azmi

tum kya jaano apne aap se kitna main sharminda huun
chhuT gaya hai saath tumhara aur abhi tak zinda huun

— Saghar Azmi

itna naraz ho kyuun us ne jo patthar phenka
us ke hathon se kabhi phuul bhi aaya hoga

— Saghar Azmi

shaam Dhale ye soch ke baiThe ham apni tasvir ke paas
saari ghazlen baiThi hongi apne apne miir ke paas

— Saghar Azmi

shohrat ki fazaon men itna na uDo 'saghar'
parvaz na kho jaa.e in unchi uDanon men

— Saghar Azmi