kuchh aisa ho ki tasviron men jal jaa.e tasavvur bhi — Sardar Saleem

"badshahat ke maze hain khaksari men 'salim' ye nazara yaar ke kuche men rah ke dekhna"

"nuur ki shakh se TuuTa hua patta huun main vaqt ki dhuup men ma.adum hua jaata huun"

"vaqt ke sahra men nange paanv Thahre ho 'salim' dhuup ki shiddat yakayak baDh na jaa.e chal paDo"

"aaj divane ka zauq-e-did puura ho gaya tujh ko dekha aur us ke baa'd andha ho gaya"

"fikr o ehsas ke tapte hue manzar tak aa mere lafzon men utar kar mire andar tak aa"

"'ghalib'-e-dana se puchho ishq men paD kar salim ek ma.aqul aadmi kaise nikamma ho gaya"