dekhiye dekhiye hai banda-e-be-dam 'suhail' — Sohail Azeemabadi

siina figar chak-gareban kafan-ba-dosh
aa.e hain teri bazm men is bankpan se ham

— Sohail Azeemabadi

har vaqt ki ah-o-zari se dam bhar to zara milti fursat
rona hi muqaddar tha mera to kis liye main shabnam na hua

— Sohail Azeemabadi

vo lamha ziist ka la.anat hai aadmi ke liye
jhuke jo sar kahin iz.har-e-bandagi ke liye

— Sohail Azeemabadi

al-madad ai jazba-e-zauq-e-mohabbat al-madad
ishq ne avaz di be-ikhtiyarana mujhe

— Sohail Azeemabadi

dimagh ko kar raha huun raushan main dagh-e-dil ke jala raha huun
ab apni tarik zindagi ka naya sarapa bana raha huun

— Sohail Azeemabadi

kya lutf hai aise jiine ka jis ki na kisi ko parva ho
kis kaam ka marna vo marna jis ka ki kisi ko gham na hua

— Sohail Azeemabadi