ek parda sa hai fareb-e-nazar — Soz Hoshiarpuri

"dil mira dard ke siva kya hai ibtida ye to intiha kya hai"

"main ne har takhrib men dekhi hai ik ta.amir bhi mera miT jaana bhi hai himmat-faza mere liye"

"ai mohabbat tujhe khabar hogi dard uTh uTh ke DhunDhta kya hai"

"piine ko yuun to shaikh bhi tayyar hain magar kahte hain shart ye hai girah se na zar khule"

"pas-e-murdan bhi musht-e-khak men kaisi ye vahshat hai uTha karti hai andhi ban ke khak-e-ra.egan meri"

"jise samjha hai tu ai sang-dil mai-khvariyan meri tire khalvat-kade men hain vo shab-bedariyan meri"