rang badla hua hai maujon ka — Zeba Khan Hina

"ik baar jis ko dil se nikala hai ham ne phir us ko kisi bhi dil men rasa.i nahin mili"

"kisi ke honT par khili hansi ki main asiir huun luTi hui mohabbaton ki dekh lo nazir huun"

"do roz se chhan-chhan pe badan naach raha hai paanv se ajal ke koi pazeb utare"

"us ki ujli peshani se itni vahshat hoti hai us se mil kar pahron khud ko tariki men rakhti huun"

"ghabra ga.i huun yaar hujum-e-butan se main ab ahu-e-nigah ko sahra-e-hu dikha"

"us ki ankhon ne hatheli pe lahu chhiDka hai tab kahin ja ke chaDha rang-e-hina.i mujh par"