अनुचित उचित रहीम लघु, क‍रहिं बड़ेन के जोर — Rahim

जो घर ही में घुस रहे, कदली सुपत सुडील
तो रहीम तिनतें भले, पथ के अपत करील

अच्‍युत-चरण-तरंगिणी, शिव-सिर-मालति-माल
हरि न बनायो सुरसरी, कीजो इंदव-भाल

अधम वचन काको फल्‍यो, बैठि ताड़ की छाँह
रहिमन काम न आय है, ये नीरस जग माँह

अनकीन्‍हीं बातैं करै, सोवत जागे जोय
ताहि सिखाय जगायबो, रहिमन उचित न होय

तासों ही कछु पाइए, कीजै जाकी आस
रीते सरवर पर गये, कैसे बुझे पियास

अन्‍तर दाव लगी रहै, धुआँ न प्रगटै सोइ
कै जिय आपन जानहीं, कै जिहि बीती होइ

दुख में सुमरिन सब करे, सुख में करे न कोय ।
जो सुख में सुमरिन करे, दुख काहे को होय

तिनका कबहुँ न निंदिये, जो पाँयन तर होय ।
कबहुँ उड़ आँखिन परे, पीर घनेरी होय

फूटी आँख विवेक की, लखे ना सन्त असन्त ।
जाके संग दस-बीस हैं, ताको नाम महन्त

हरि संगत शीतल भया, मिटी मोह की ताप ।
निशिवासर सुख निधि, लहा अन्न प्रगटा आप

दाया कौन पर कीजिये, का पर निर्दय होय ।
सांई के सब जीव है, कीरी कुंजर दोय

साँई आगे साँच है, साँई साँच सुहाय ।
चाहे बोले केस रख, चाहे घौंट भुण्डाय