su-e-kalkatta jo ham ba-dil-e-divaana chale — Akhtar Shirani
"su-e-kalkatta jo ham ba-dil-e-divaana chale gungunaate hue ik shokh kaa afsaana chale shahr-e-salmaa hai sar-e-raah ghaTaaein hamraah saaqiyaa aaj to daur-e-mai-o-paimaana chale is tarah rail ke hamraah ravaan hai baadal saath jaise koi uDtaa huaa mai-khaana chale shahr-e-jaanaan mein utarne ki thi ham par qadghan yuun chale jaise koi shahr se begaana chale garche tanhaa the magar un ke tasavvur ke nisaar apne ham-raah liye ek pari-khaana chale khel ummid ke dekho ki na ki un ko khabar phir bhi ham muntazir-e-jalva-e-jaanaana chale un kaa paighaam na laae hon ye rangin baadal varna kyuun saath mire be-khud o mastaana chale ghar se ba-ishrat-e-shaahaana ham aae the magar un ke kuche se chale jab to faqiraana chale baadalo khidmat-e-salmaa mein ye kah do jaa kar ki tire shahr mein ham aa ke gharibaana chale hasrat o shauq ke aalam mein chale yuun 'akhtar' muskuraataa huaa jaise koi divaana chale"
سوئے کلکتہ جو ہم بہ دل دیوانہ چلے گنگناتے ہوئے اک شوخ کا افسانہ چلے شہر سلمیٰ ہے سر راہ گھٹائیں ہم راہ ساقیا آج تو دور مے و پیمانہ چلے اس طرح ریل کے ہم راہ رواں ہے بادل ساتھ جیسے کوئی اڑتا ہوا مے خانہ چلے شہر جاناں میں اترنے کی تھی ہم پر قدغن یوں چلے جیسے کوئی شہر سے بیگانہ چلے گرچہ تنہا تھے مگر ان کے تصور کے نثار اپنے ہمراہ لیے ایک پری خانہ چلے کھیل امید کے دیکھو کہ نہ کی ان کو خبر پھر بھی ہم منتظر جلوۂ جانانہ چلے ان کا پیغام نہ لائے ہوں یہ رنگیں بادل ورنہ کیوں ساتھ مرے بے خود و مستانہ چلے گھر سے بہ عشرت شاہانہ ہم آئے تھے مگر ان کے کوچے سے چلے جب تو فقیرانہ چلے بادلو خدمت سلمیٰ میں یہ کہہ دو جا کر کہ ترے شہر میں ہم آ کے غریبانہ چلے حسرت و شوق کے عالم میں چلے یوں اخترؔ مسکراتا ہوا جیسے کوئی دیوانہ چلے
सू-ए-कलकत्ता जो हम ब-दिल-ए-दीवाना चले गुनगुनाते हुए इक शोख़ का अफ़्साना चले शहर-ए-सलमा है सर-ए-राह घटाएँ हमराह साक़िया आज तो दौर-ए-मय-ओ-पैमाना चले इस तरह रेल के हमराह रवाँ है बादल साथ जैसे कोई उड़ता हुआ मय-ख़ाना चले शहर-ए-जानाँ में उतरने की थी हम पर क़दग़न यूँ चले जैसे कोई शहर से बेगाना चले गरचे तन्हा थे मगर उन के तसव्वुर के निसार अपने हम-राह लिए एक परी-ख़ाना चले खेल उम्मीद के देखो कि न की उन को ख़बर फिर भी हम मुंतज़िर-ए-जल्वा-ए-जानाना चले उन का पैग़ाम न लाए हों ये रंगीं बादल वर्ना क्यूँ साथ मिरे बे-ख़ुद ओ मस्ताना चले घर से ब-इशरत-ए-शाहाना हम आए थे मगर उन के कूचे से चले जब तो फ़क़ीराना चले बादलो ख़िदमत-ए-सलमा में ये कह दो जा कर कि तिरे शहर में हम आ के ग़रीबाना चले हसरत ओ शौक़ के आलम में चले यूँ 'अख़्तर' मुस्कुराता हुआ जैसे कोई दीवाना चले
