tapte sahraaon pe garjaa sar-e-dariyaa barsaa — Ahmad Faraz
"tapte sahraaon pe garjaa sar-e-dariyaa barsaa thi talab kis ko magar abr kahaan jaa barsaa kitne tufaanon ki haamil thi lahu ki ik buund dil mein ik lahr uThi aankh se dariyaa barsaa koi gharqaab koi maahi-e-be-aab huaa abr-e-be-faiz jo barsaa bhi to kaisaa barsaa chaDhte dariyaaon mein tufaan uThaane vaale chand bundein hi sar-e-daaman-e-sahraa barsaa tanz hain sokhta-jaanon pe garajte baadal yaa to ghanghor ghaTaaein na uThaa yaa barsaa abr-o-baaraan ke khudaa jhumtaa baadal na sahi aag hi ab sar-e-gulzaar-e-tamanna barsaa apni qismat ki ghaTaaon mein bhi jalte hain 'faraaz' aur jahaan vo hain vahaan abr kaa saaya barsaa"
تپتے صحراؤں پہ گرجا سر دریا برسا تھی طلب کس کو مگر ابر کہاں جا برسا کتنے طوفانوں کی حامل تھی لہو کی اک بوند دل میں اک لہر اٹھی آنکھ سے دریا برسا کوئی غرقاب کوئی ماہیٔ بے آب ہوا ابر بے فیض جو برسا بھی تو کیسا برسا چڑھتے دریاؤں میں طوفان اٹھانے والے چند بوندیں ہی سر دامن صحرا برسا طنز ہیں سوختہ جانوں پہ گرجتے بادل یا تو گھنگھور گھٹائیں نہ اٹھا یا برسا ابر و باراں کے خدا جھومتا بادل نہ سہی آگ ہی اب سر گلزار تمنا برسا اپنی قسمت کہ گھٹاؤں میں بھی جلتے ہیں فرازؔ اور جہاں وہ ہیں وہاں ابر کا سایہ برسا
तपते सहराओं पे गरजा सर-ए-दरिया बरसा थी तलब किस को मगर अब्र कहाँ जा बरसा कितने तूफ़ानों की हामिल थी लहू की इक बूँद दिल में इक लहर उठी आँख से दरिया बरसा कोई ग़र्क़ाब कोई माही-ए-बे-आब हुआ अब्र-ए-बे-फ़ैज़ जो बरसा भी तो कैसा बरसा चढ़ते दरियाओं में तूफ़ान उठाने वाले चंद बूँदें ही सर-ए-दामन-ए-सहरा बरसा तंज़ हैं सोख़्ता-जानों पे गरजते बादल या तो घनघोर घटाएँ न उठा या बरसा अब्र-ओ-बाराँ के ख़ुदा झूमता बादल न सही आग ही अब सर-ए-गुलज़ार-ए-तमन्ना बरसा अपनी क़िस्मत कि घटाओं में भी जलते हैं 'फ़राज़' और जहाँ वो हैं वहाँ अब्र का साया बरसा
