vo kahāñ mile vo kahīñ mile — All Writings Of Abaan Asif Kachkar

"har ik dīvār har ik dar hamārā mileñ gar ban nahīñ hai ghar hamārā raqābat duur se kariyo hamārī muqarrar sher hai dīgar hamārā jahāñ par jā ke āmāda paḌho ho vahāñ par zikr hai din bhar hamārā shitābī hai nahīñ ham ko suḳhan kī hameñ andāz hai andar hamārā nishāñ apnā na pūchho hai kidhar tak hamārā hai idhar ūdhar hamārā ġhulāmī tum karo apnā zamāñ hai hukm nīche se hai uupar hamārā faqīrī se subukdoshī mile kab adam se qabl hai mahshar hamārā 'abān'-e-dar-ba-dar ye chāk-jebī kisū se jal gayā bistar hamārā"

"'ālam-e-ḳharābī kā tark-e-mudda’ā huuñ maiñ kis ko hai ḳhabar yaañ ki maiñ jo huuñ to kyā huuñ maiñ maiñ nazāra-e-dīgar soz kā nazāra huuñ dil kī lā-'ilājī ke dard kī davā huuñ maiñ maiñ huuñ halqa-e-āfat jāvedāna-jāñ bhī huuñ kahne aur sunñe ko abr huuñ havā huuñ maiñ mājrā-faroshī hai apne yaañ bahut dekho āḳhirī maiñ kab royā kab talak hañsā huuñ maiñ huzn-e-infisāl-e-man se lahū lahū hai tan ik taraf maiñ baiThā huuñ ik taraf khaḌā huuñ maiñ kār-e-zindagānī meñ tū nihāñ thā lekin thā ab to zindagānī meñ nā to tū hai nā huuñ maiñ kyā 'abān' maujūda mo'jize pe mabnī ho sab ke sab ye kahte haiñ maiñ bahut burā huuñ maiñ"

"huā jab TūTnā abtar navā be-sūd shīshe kā uThā shahr-e-qazā meñ mudda.ā nā-būd shīshe kā ki bas bāda-kashī matlab tavāñ har jā hai shīshe kī thā kab marġhūb thā idrāk yaañ mardūd shīshe kā nafas marg-e-nafas hotā hai juuñ shīshe kī ḳhilqat meñ asar be-laus hotā hai jidhar mahdūd shīshe kā kisū ḳhāliq kā da.avā kar gayā phir mar gayā insāñ ḳhudā.ī kar nahīñ saktā kabhī namrūd shīshe kā ibārat muntaqil rahtī hai phir parvardigārāñ se kahīñ but hai tū patthar kā kahīñ ma.abūd shīshe kā 'abāñ' ko tum kaho insāñ kaho insāñ ko tum shīsha kaho maujūd insāñ to kaho maujūd shīshe kā"

"abhī baaqī sharm thoḌī hayā hai suḳhan apnā ki dekho sab nayā hai safīne duur haiñ vaqtan-favaqtan ye aadam ruk gayā yā chal rahā hai o pāgal siidh meñ rasta nahīñ hai usī kā dard hai jis kī davā hai mubārak chiiz hai insāñ hameñ bhī kabhī Tuk hans rahā Tuk ro rahā hai hamārā dil bhī hai andar to jhāñko ye chehra shaam se hī ḳhush baḌā hai balā kā zaḳhm hai kuchh kam tamāshā suno to sher ik taaza likhā hai abān-e-kushta ġham achchhī sunāo yahāñ maiñ huuñ qalam hai aur ḳhudā hai"

"gard ke unvān se kyoñ mil rahī hai gard saaqī dard-mandānī kī jānib haa.e hai hamdard saaqī vo jo sāġhar haath meñ le chashm se hī jaam hogā bārhā vo mahfiloñ kī shaan hai mai fard saaqī bazm-e-ḳhud ke mausamoñ kī rang-o-bū sarshār hai yaañ garmi-e-mai-nosh pā kar kuchh to hai vaañ sard saaqī be-badal be-iḳhtiyārāñ kiyā mujhe sar chuur shīsha mujh ko phir de kar davā kar tū davā ko dard saaqī ashk aajiz hote hote ishq baa.is kyoñ na hogā ek hī dam soz se jo dekh le be-pard saaqī hazrat-e-nāseh se jā ma.alūm kar dard-o-kasak tū ek hai be-dard saaqī ek hai pur-dard saaqī"

"pā-ba-pā aamad kareñ sab ābla-pā ham nahīñ ab ki vo hamrāh hogā jab ki vo hamdam nahīñ ġhār-e-shab meñ ik tamāshā ik jadal barpā huā kam ziyāda thī nazar to thī ziyāda kam nahīñ sargirāñ khā kar vo meva be-ijāzat ḳhuld se be-zarar iblīs hogā be-zarar aadam nahīñ sarparastī kā muhājir kā.enāt o kul dahr saarā saarā din machāyā par machā ūdham nahīñ sab mulavvis ro rahe ham jā rahe haiñ jaan se kuchh tumhārā ġham to hogā kuchh hamārā ġham nahīñ sun to lo ġhazleñ 'abāñ' kī daur-e-'ālam kam paḌho vo suḳhan-āzād har-sū jo suḳhan-‘ālam nahīñ"