dekhnaa kaise pighalte jaaoge — Aazim Kohli

zindagi sundar ghazal hai dosto
zindagi ko gungunaanaa chaahiye

— Aazim Kohli

dukh pe mere ro rahaa thaa jo bahut
jaate jaate kah gayaa achchhaa huaa

— Aazim Kohli

'aazim' teri barbaadi mein sab ne mil-jul kar kaam kiyaa
kuchh khel lakiron kaa bhi hai kuchh vaqt ki kaar-guzaari bhi

— Aazim Kohli

baat chal niklegi phir iqraar ki inkaar ki
phir vahi bachpan ke bhule giit gaae jaaeinge

— Aazim Kohli

sabr ki takraar thi josh o junun-e-ishq se
zindagi bhar dil mujhe main dil ko samjhaataa rahaa

— Aazim Kohli

mohabbat karne vaale dard mein tanhaa nahin hote
jo ruThoge kabhi mujh se to apnaa dil dukhaaoge

— Aazim Kohli