un ke dil ki kudurat aur baDhi — Abdul Ghafoor Nassakh

dil kaun hai ki us se kahein raaz-e-ishq ham
tere khayaal se bhi na ham guftugu karein

— Abdul Ghafoor Nassakh

zaahiran maut hai qazaa hai ishq
par haqiqat mein jaan-fazaan hai ishq

— Abdul Ghafoor Nassakh

masjid mein gar guzar na huaa dair hi sahi
bekaar baiThe kyuun rahein ik sair hi sahi

— Abdul Ghafoor Nassakh

piiri mein shauq hausla-farsaa nahin rahaa
vo dil nahin rahaa vo zamaana nahin rahaa

— Abdul Ghafoor Nassakh

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

chaand ne taan li hai chaadar-e-abr
ab vo kapDe badal rahi hogi

— Jaun Elia

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki