ik musalsal dhaDak phir yakaayak sukun — Aharas Siddiqui

dekh lein aap bhi raunaqein khuld ki
shaikh ji aaj chaliye chalein mai-kade

— Aharas Siddiqui

dekhe hai un ki zulf ko har roz aaina
'ahras' siyaah-bakht ko ye bhi nahin nasib

— Aharas Siddiqui

zindagi Dhote hue log kahaan tak jaaein
koi is sang-e-garaan se nahin bach paayaa hai

— Aharas Siddiqui

phir nahin mere sivaa koi bhi hotaa teraa
tu agar jaan ye jaataa ki mohabbat kyaa hai

— Aharas Siddiqui

TuTegaa aap kaa dil khadsha hai ye mujhe
zinhaar mujh se nisbat rakhiye na aap bhi

— Aharas Siddiqui

main ne ik baar mohabbat se na dekhaa us ko
jis ne har baar mohabbat se mujhe dekhaa hai

— Aharas Siddiqui

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

chaand ne taan li hai chaadar-e-abr
ab vo kapDe badal rahi hogi

— Jaun Elia

us ke munh pe mukar gayaa thaa dil
aaj had se guzar gayaa thaa dil

— Divyansh Rawat