agar mujh ko chhu le vo jaan-e-bahaar — Ahmad Niyaz Razzaqi

sab raahon mein kaanTe hain
chalte jaanaa ek taraf

— Ahmad Niyaz Razzaqi

dil-sahraa mein ret sadaa uDti rahti hai
kab is se taa'mir koi darpan kartaa hai

— Ahmad Niyaz Razzaqi

isi liye to main aankhein jhukaae rahtaa huun
tiri shabih na aae kharaab aankhon mein

— Ahmad Niyaz Razzaqi

unhein kyaa pata mushk-o-'ambar hai kyaa shai
jo vaaqif nahin meri urdu zabaan se

— Ahmad Niyaz Razzaqi

suratein TuTeingi lekin aaina rah jaaegaa
aaina gar TuuT jaaegaa to kyaa rah jaaegaa

— Ahmad Niyaz Razzaqi

ek se phirte hain divaane jidhar bhi dekho
ab koi farq nahin shahr mein viraane mein

— Ahmad Niyaz Razzaqi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

na gul khile hain na un se mile na mai pi hai
ajiib rang mein ab ke bahaar guzri hai

— Faiz Ahmad Faiz