uDti hai khaak dil ke darichon ke aas-paas — Ahmad Rizwan

ek muddat se use dekh rahaa huun 'ahmad'
aur lagtaa hai abhi ek jhalak dekhaa hai

— Ahmad Rizwan

mujhe ye kyaa paDi hai kaun meraa ham-safar hogaa
havaa ke saath gaataa huun nadi ke saath chaltaa huun

— Ahmad Rizwan

ajnabi log hain main jin mein ghiraa rahtaa huun
aashnaa koi yahaan mere fasaane kaa nahin

— Ahmad Rizwan

kisi ko chhoD detaa huun kisi ke saath chaltaa huun
main chaltaa huun to phir vaabastagi ke saath chaltaa huun

— Ahmad Rizwan

ye kaun boltaa hai mire dil ke andarun
aavaaz kis ki gunjti hai is makaan mein

— Ahmad Rizwan

kyaa baat karun jo baatein tum se karni thiin
ab un baaton kaa vaqt nahin kyaa baat karun

— Ahmad Rizwan

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

chaand ne taan li hai chaadar-e-abr
ab vo kapDe badal rahi hogi

— Jaun Elia

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki