hamaari saansein mili hain gin ke — Ahsan Yusuf Zai

barsaat tham chuki hai magar har shajar ke paas
itnaa to hai ki aap kaa daaman bhigo sake

— Ahsan Yusuf Zai

luTeron ke liye soti hain aankhein
magar ham apne andar jaagte hain

— Ahsan Yusuf Zai

kaaghaz ki naav huun jise tinkaa Dubo sake
yuun bhi nahin ki aap se ye bhi na ho sake

— Ahsan Yusuf Zai

roz o shab bech diye hain main ne
is bulandi se giraataa kyaa hai

— Ahsan Yusuf Zai

niind ko log maut kahte hain
khvaab kaa naam zindagi bhi hai

— Ahsan Yusuf Zai

sab ke aangan jhaankne vaale ham se hi kyuun bair tujhe
kab tak teraa rasta dekhein saari raat ke jaage ham

— Ahsan Yusuf Zai

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid