ret par ik nishaan hai shaayad — Muzaffar Abdali

rah-guzar kaa hai taqaazaa ki abhi aur chalo
ek ummid jo manzil ke nishaan tak pahunchi

— Muzaffar Abdali

kashtiyaan likhti rahein roz kahaani apni
mauj kahti hi rahi zer-o-zabar main hi huun

— Muzaffar Abdali

bahaknaa meri fitrat mein nahin par
sambhalne mein pareshaani bahut hai

— Muzaffar Abdali

khudaa bhi kaisaa huaa khush mire qarine par
mujhe shahid kaa darja milaa hai jiine par

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb