gharq hote jahaaz dekhe hain — Ain Irfan

miraa vajud jo patthar dikhaai detaa hai
tamaam umr ki shishagari kaa haasil hai

— Ain Irfan

bahut nazdik the tasvir mein ham
magar vo faasla jo dikh rahaa thaa

— Ain Irfan

be-maqsad mahfil se behtar tanhaai
be-matlab baaton se achchhi khaamoshi

— Ain Irfan

jahaan tak Dubne kaa Dar hai tum ko
chalo ham saath chalte hain vahaan tak

— Ain Irfan

bas ek dhun thi samundar ko paar karne ki
main jaantaa thaa samundar ke paar kuchh bhi na thaa

— Ain Irfan

gaamzan hain ham musalsal ajnabi manzil ki samt
zindagi ki aarzu mein zindagi khote hue

— Ain Irfan