jab bhi miltaa huun vahi chehra liye — Ajmal Ajmali

kitni tavil kyuun na ho baatil ki zindagi
har raat kaa hai subh muqaddar na bhulnaa

— Ajmal Ajmali

maan ne likhaa hai khat mein jahaan jaao khush raho
mujh ko bhale na yaad karo ghar na bhulnaa

— Ajmal Ajmali

hazaar manzil-e-gham se guzar chuke lekin
abhi junun-e-mohabbat ki ibtidaa bhi nahin

— Ajmal Ajmali

taar-e-nazar bhi gham ki tamaazat se khushk hai
vo pyaas hai mile to samundar sameT luun

— Ajmal Ajmali

aarzu thi khinchte ham bhi koi aks-e-hayaat
kyaa karein ab ke lahu aankhon se Tapkaa hi nahin

— Ajmal Ajmali

vaqt-e-safar qarib hai bistar sameT luun
bikhraa huaa hayaat kaa daftar sameT luun

— Ajmal Ajmali

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

abr barse to inaayat us ki
shaakh to sirf duaa karti hai

— Parveen Shakir

yaad aae hain uff gunah kyaa kyaa
haath uThaae hain jab duaa ke liye

— Zaki Kakorvi

dukh na sahne ki sazaaon mein ghiraa rahtaa hai
shahr kaa shahr duaaon mein ghiraa rahtaa hai

— Zakariya Shaz