chaman suun dil ke aalam ko khabar nahin — Alimullah

taalaab iraade kaa bhare pal mein labaalab
jab yaar ke dariyaa-e-karam suun lahr aave

— Alimullah

ishq ke kuche mein jab jaataa hai dil karne ko sair
vaan nahin maalum hotaa roz hai yaa raat hai

— Alimullah

ajab kuchh ishq ki khush-tar hai vaadi
ki jis vaadi mein hai har vaqt shaadi

— Alimullah

tark de islaam ko aur kufr saaraa duur kar
chhoD de hirs-o-havaa farzand aur zan bhuul jaa

— Alimullah

yaar ke darsan ke khaatir jaan aur tan bhuul jaa
aankh munavvar dekh us kaa rang-e-gulshan bhuul jaa

— Alimullah

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

chaand ne taan li hai chaadar-e-abr
ab vo kapDe badal rahi hogi

— Jaun Elia