zhaala-baari se khauf aataa hai — Ameen Tirmizi

main ye aankhein bhi tiri nazr to kar duun lekin
teri tasvir inhein dekhti rahti hai bahut

— Ameen Tirmizi

tamaam shahr gale lag gayaa to kyaa haasil
vo ham ko munh jo lagaae to eid ho jaae

— Ameen Tirmizi

tum se kahaa thaa baam pe mat jaanaa aaj shaam
dekhaa naan saare shahr ki to eid ho gai

— Ameen Tirmizi

main jab jab bhi kisi kaaghaz pe teraa naam likhtaa huun
chamak tahrir se aur mahak kaaghaz se aati hai

— Ameen Tirmizi

sar-ba-kaf khud hi main maqtal mein chalaa aaya huun
log kahte hain ki vo shokh hai shamshir-ba-kaf

— Ameen Tirmizi

kyaa kahun kyaa surur paayaa hai
jab se vo haath haath aaya hai

— Ameen Tirmizi

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

'aarzu' jaam lo jhijak kaisi
pi lo aur dahshat-e-gunaah gai

— Arzoo Lakhnavi

umr bhar raaste ghere rahe us shakhs kaa ghar
umr bhar khauf ke maare na vo baahar niklaa

— Aziz Bano Darab Wafa

tamaam shahr ko taarikiyon se shikva hai
magar charaagh ki baiat se khauf aataa hai

— Aziz Nabeel

Dartaa huun dekh kar dil-e-be-aarzu ko main
sunsaan ghar ye kyuun na ho mehmaan to gayaa

— Dagh Dehlvi