aaj kaa jhagDaa aaj chukaa — Anjum Rumani

nai zindagi ke nae makr o fan
nae aadmi ki nai chaal-Dhaal

— Anjum Rumani

dil se uThtaa hai subh-o-shaam dhuaan
koi rahtaa hai is makaan mein abhi

— Anjum Rumani

sach ke saude mein na paDnaa ki khasaaraa hogaa
jo huaa haal hamaaraa so tumhaaraa hogaa

— Anjum Rumani

ye jitne masale hain mashghale hain sab faraaghat ke
na tum be-kaar baiThe ho na ham be-kaar baiThe hain

— Anjum Rumani

dete nahin sujhaai jo duniyaa ke khatt-o-khaal
aae hain tirgi mein magar raushni se ham

— Anjum Rumani

samjhi gai jo baat hamaari ghalat to kyaa
yaan tarjuma kuchh aur hai aayat kuchh aur hai

— Anjum Rumani