sukun-e-dil na mayassar huaa zamaane mein — Anwarul Hasan Anwar

vo iztiraab-e-musalsal kaa lutf kyaa jaane
musibaton se jo ghabraa gayaa zamaane mein

— Anwarul Hasan Anwar

ye avadh hai ki jahaan shaam kabhi khatm nahin
vo banaras hai jahaan roz sahar hoti hai

— Anwarul Hasan Anwar

be-khayaali mein bhi phir un kaa khayaal aataa hai
vahi tasvir mire pesh-e-nazar hoti hai

— Anwarul Hasan Anwar

ab tire hijr mein yuun umr basar hoti hai
shaam hoti hai to ro ro ke sahar hoti hai

— Anwarul Hasan Anwar

bhulne vaale tujhe yaad kiyaa hai barson
dil-e-viraan ko yuun aabaad kiyaa hai barson

— Anwarul Hasan Anwar

saath jo de na sakaa raah-e-vafaa mein apnaa
be-iraada bhi use yaad kiyaa hai barson

— Anwarul Hasan Anwar

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

yaad rakhnaa bhi ik ibaadat hai
kyuun na ham un kaa haafiza ho jaaein

— Ashhad Bilal Ibn

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

— Jigar Moradabadi