raasta rok liyaa meraa kisi bachche ne — Asar Akbarabadi

ulfat kaa hai maza ki 'asar' gham bhi saath hon
taarikiyaan bhi saath rahein raushni ke saath

— Asar Akbarabadi

zindagi tujh se ye gilaa hai mujhe
koi apnaa nahin milaa hai mujhe

— Asar Akbarabadi

fikr-e-jahaan dard-e-mohabbat firaaq-e-yaar
kyaa kahiye kitne gham hain miri zindagi ke saath

— Asar Akbarabadi

saaya bhi saath chhoD gayaa ab to ai 'asar'
phir kis liye main aaj ko kal se judaa karun

— Asar Akbarabadi

ulfat ke badle un se milaa dard-e-laa-ilaaj
itnaa baDhe hai dard main jitni davaa karun

— Asar Akbarabadi

udaas ho na tu ai dil kisi ke rone se
khushi ke saath ghamon ko bikharte dekhaa hai

— Asar Akbarabadi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb