Bachpan

"phir se lahu lahu dar-o-divaar dekh le jo bhi dikhaae vaqt vo naa-chaar dekh le apne gale pe chalti chhuri kaa bhi dhyaan rakh vo tez hai yaa kund zaraa dhaar dekh le phir chhuTne se pahle hi apne vajud ko maujud bachpanon mein giraftaar dekh le ghustaa chalaa hai peT mein har aadmi kaa sar tujh se bhi ho sakegaa na inkaar dekh le yuun roz roz karte adaa-kaariyaan tiri surat badal gai hai mire yaar dekh le"

"muraadein koi paataa hai kisi ki jaan jaati hai hazaaron dekhne vaale tiri chitvan ke baiThe hain adu aashiq sahi maanaa usi par munhasir kyaa hai abhi to chaahne vaale bahut bachpan ke baiThe hain sabaa kyaa khaak uDaaegi adu kyaa qahr Dhaaeinge vo khud paamaal karne ko mire madfan ke baiThe hain suraagh-e-naqsh-e-paa-e-ghair shaayad apnaa rahbar ho sar-e-raah-e-talab ham muntazir rahzan ke baiThe hain"

"ru-e-sukhan janaab ki jaanib kabhi na thaa aavaaz ko udhar bhi uDaa le gai havaa jangal ke ek goshe mein thaa meraa naqsh-e-paa chal chal ke us hujum ne bilkul miTaa diyaa lau de uThaa thaa meri lapaT se har ik hijaab daaman hi bach gayaa thaa ise kyon bachaa liyaa ghar mein ghanaa andheraa hai baahar siyaah raat aise mein kis ne khvaab-e-sahar se jagaa diyaa andar nuqush-e-paa-o-sadaa jaavedaan hue baahar nuqush-e-paa-o-sadaa kuchh na bach sakaa"

"sab kuchh khaak huaa hai lekin chehra kyaa nuraani hai patthar niche baiTh gayaa hai uupar bahtaa paani hai bachpan se meri aadat hai phuul chhupaa kar rakhtaa huun haathon par jaltaa suraj hai dil mein raat ki raani hai dafn hue raaton ke qisse ik chhat ki khaamoshi mein sannaaTon ki chaadar oDhe ye divaar puraani hai us ko paa kar itraaoge kho kar jaan ganvaa doge baadal kaa saaya hai duniyaa har shai aani-jaani hai dil apnaa ik chaand-nagar hai achchhi surat vaalon kaa shahr mein aa kar shaayad ham ko ye jaagir ganvaani hai tere badan par main phulon se us lamhe kaa naam likhun jis lamhe kaa main afsaana tu bhi ek kahaani hai"

"ik ik qadam fareb-e-tamannaa se bach ke chal duniyaa ki aarzu hai to duniyaa se bach ke chal khud DhunDh legaa tujh ko tiraa munfarid maqaam raah-e-talab mein naqsh-e-kaf-e-paa se bach ke chal baaqi hai mere dil mein abhi azmat-e-vajud qatre se kah rahaa huun ki dariyaa se bach ke chal milti nahin hai raah-e-sukun khauf-o-yaas mein gulshan ki justuju hai to sahraa se bach ke chal munh jaada-e-vafaa se na moD ai vafaa-shiaar lekin hudud-e-chashm-e-tamaashaa se bach ke chal kitni hasin hain un ke sitam ki masarratein shukr-e-karam ki zahmat-e-be-jaa se bach ke chal lamhe udaas udaas fazaaein ghuTi ghuTi duniyaa agar yahi hai to duniyaa se bach ke chal apne adab pe naaz hai tujh ko agar 'shakil' maghrib-zadaa adiib ki duniyaa se bach ke chal"

"safar mein faaslon ke saath baadbaan kho diyaa utar ke paaniyon mein ham ne aasamaan kho diyaa yahi ki in nafas-ghubaar saaaton ke darmiyaan havaa ne giit rah-guzar ne saarbaan kho diyaa ye kaun saavanon mein khvaab dekhtaa hai dhuup ke ye kis ne e'tibaar-e-gham pas-e-gumaan kho diyaa bas ek harf kaa gudaaz us pe qarz thaa so vo bichhaDte vaqt khaamushi ke darmiyaan kho diyaa firaaq manzilon kaa ik ghubaar thaa ki jis ghaDi charaagh-e-shab ne aur dil ne mehmaan kho diyaa ruton mein ek rut yahaan shajar bhi kaaTne ki thi pata chalaa jab apne ghar kaa paasbaan kho diyaa bachaa liyaa thaa khvaab jo masaafaton ki dhuup se vo abr-o-baad manzaron ke darmiyaan kho diyaa vo niind apne bachpane ki raah mein ujaD gai us aankh ne bhi mojazon kaa ik jahaan kho diyaa"

"kyon toD diye jaate hain samar kamzor shajar ki Daaliyon se maike se bhi dil kaT jaataa hai miltaa bhi nahin sasuraaliyon se aankhon mein utar aati thi nami ham mukhlis the par log nahin jazbaat sanbhal nahin paate the munh bhar jaataa thaa gaaliyon se ik kachchi 'umr ki laDki ke kuchh khvaab the kuchh aashaaein thiin aur 'ishq thaa us ke bachpan kaa is baagh mein rahne vaaliyon se aankhon mein lajjaa kaa surma thaa gaalon pe hayaa ki laali thi maathe pe safedi chaandi ki kaanon ki sundartaa baaliyon se 'izzat kaa kachumar bantaa hai miTTi mein milaati hai ghurbat paise ke pujaari jhukte hain karte hain suvaagat taaliyon se 'ushshaaq-e-azal ki qismat mein likkhi hai saraasar bezaari kyaa uns kisi but-khaane se kyaa nisbat un ki gaaliyon se dil lagti baat kahein to ye achchhaa jo lage vo achchhaa hai hote hain mubarraa 'ishq ke saalik goriyon se aur kaaliyon se Thukraae huon ke aaqaa hain taDpaae huon ke marham hain kabhi aa ke tasalli khvaab mein dein kabhi jhaankein sunahri jaaliyon se"

hamaare munh pe us ne aaine se dhuup tak pheinki
abhi tak ham samajh kar us ko bachcha chhoD dete hain

faqat maal-o-zar-e-divaar-o-dar achchhaa nahin lagtaa
jahaan bachche nahin hote vo ghar achchhaa nahin lagtaa

"kab tum bhaTke kyuun tum bhaTke kis kis ko samjhaaoge itni duur to aa pahunche ho aur kahaan tak jaaoge is chaalis baras mein tum ne kitne dost banaae hain ab jo umr bachi hai us mein kitne dost banaaoge bachpan ke sab sangi saathi aakhir kyuun tumhein chhoD gae koi yaar nayaa puchhe to is ko kyaa batlaaoge jo bhi tum ne shohrat paai jo bhi tum badnaam hue kyaa yahi tarka apne pyaare bachchon ko de jaaoge ab is josh-e-khud-aagaahi mein aage ki kyaa sochi hai sher kahoge ishq karoge kyaa kyaa Dhong rachaaoge 'aaali' kis ko fursat hogi ek tumhi ko rone ki jaise sab yaad aa jaate hain tum bhi yaad aa jaaoge"

kaise use pata ho ki mamtaa 'azim hai
ham jaisaa kam-sini se jo bachcha yatim hai

"kahin suraj kahin zarra chamaktaa hai ishaare se tire kyaa kyaa chamaktaa hai falak se jab nai kirnein utarti hain guhar saa shabnami qatra chamaktaa hai use duniyaa kabhi dariyaa nahin kahti chamakne ko to har sahraa chamaktaa hai sitaara to sitaara hai mire bhaai kabhi teraa kabhi meraa chamaktaa hai miri maili hatheli par to bachpan se gharibi kaa kharaa sonaa chamaktaa hai mashaqqat ki badaulat hi jabinon par pasine kaa har ik qatra chamaktaa hai qarine se taraashaa hi na jaae to kisi pahlu kahaan hiiraa chamaktaa hai ye kyaa turfa-tamaasha hai siyaasat kaa kahin khanjar kahin neza chamaktaa hai tasavvur mein 'faraagh' aaThon pahar ab to koi chehra ghazal jaisaa chamaktaa hai"

"buzurgon ki du'aaein saath rakhnaa baDi lu hai ridaaein saath rakhnaa kabutar uD rahe hain aarzu ke tajassus faakhtaaein saath rakhnaa zahaanat burdbaari inkisaari safar mein khaadmaaein saath rakhnaa gundhaa hai jin se mil kar teraa bachpan vo bargad ki jaTaaein saath rakhnaa Dubo deti hain jo qaumon ko pal mein na vo rangin qabaaein saath rakhnaa mujhe jannat mein gar rakhnaa ilaahi madine ki havaaein saath rakhnaa bhale hi vo judaa ho jaaein 'aabid' magar dil se na jaaein saath rakhnaa"

khayaali doston ke aks se kheloge kab tak
mere bachche kabhi mil lo bhare ghar mein kisi se

kyunkar in kaali balaaon se bachegaa aashiq
khat siyah khaal siyah zulf siyah chashm siyaah

jugnu ko din ke vaqt parakhne ki zid karein
bachche hamaare ahd ke chaalaak ho gae

duaaein yaad karaa di gai thiin bachpan mein
so zakhm khaate rahe aur duaa diye gae ham

mujhe Thukraa diyaa tu ne faqat shaair samajh kar aaj
miri nazmein tire bachche syllabus mein paDhein to phir

miri maili hatheli par to bachpan se
gharibi kaa kharaa sonaa chamaktaa hai

umr hi teri guzar jaaegi un ke hal mein
teraa bachcha jo savaalaat liye baiThaa hai