ajab khulus ajab saadgi se kartaa hai — Atul Ajnabi

kisi darakht se sikho saliqa jiine kaa
jo dhuup chhaanv se rishta banaae rahtaa hai

patton ko chhoD detaa hai aksar khizaan ke vaqt
khud-gharzi hi kuchh aisi yahaan har shajar mein hai

jab ghazal 'mir' ki paDhtaa hai paDosi meraa
ik nami si miri divaar mein aa jaati hai

safar ho shaah kaa yaa qaafila faqiron kaa
shajar mizaaj samajhte hain raahgiron kaa

ye rahbar aaj bhi kitne puraane lagte hain
ki peD duur se rasta dikhaane lagte hain

ajnabi tum kabhi na paaoge
martaba jo ghazal mein 'mir' kaa hai