donon haathon se chhupaa rakkhaa hai munh — Azhar Adeeb

is liye main ne muhaafiz nahin rakkhe apne
mire dushman mire is jism se baahar kam hain

— Azhar Adeeb

ai shahr-e-sitam chhoD ke jaate hue logo
ab raah mein koi bhi madina nahin aataa

— Azhar Adeeb

usi ne sab se pahle haar maani
vahi sab se dilaavar lag rahaa thaa

— Azhar Adeeb

der lagti hai bahut lauT ke aate aate
aur vo itne mein hamein bhuul chukaa hotaa hai

— Azhar Adeeb

ham ne ghar ki salaamti ke liye
khud ko ghar se nikaal rakkhaa hai

— Azhar Adeeb

hamaare naam ki takhti bhi un pe lag na saki
lahu mein gundh ke miTTi jo ghar banaae gae

— Azhar Adeeb

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

main kahun kis tarah ye baat us se
tujh ko jaanam mujhi se khatra hai

— Jaun Elia

in labon kaa lahu na pi jaaun
apni tishna-labi se khatra hai

— Jaun Elia

ham mai-kashon ko Dar nahin marne kaa mohtasib
firdaus mein bhi sunte hain nahr-e-sharaab hai

— Imam Bakhsh Nasikh

qayaamat kaa mujhe Dar kyaa jo kal aani hai aaj aae
tumhaare saath ki kheli hai meri dekhi-bhaali hai

— Jaleel Manikpuri