har ek samt yahaan vahshaton kaa maskan hai — Azhar Iqbal

ghuTan si hone lagi us ke paas jaate hue
main khud se ruuTh gayaa huun use manaate hue

ye kaifiyat hai meri jaan ab tujhe kho kar
ki ham ne khud ko bhi paayaa nahin bahut din se

ye pahlaa ishq hai tumhaaraa soch lo
mire liye ye raastaa nayaa nahin

har ek shakhs yahaan mahv-e-khvaab lagtaa hai
kisi ne ham ko jagaayaa nahin bahut din se

hai ab bhi bistar-e-jaan par tire badan ki shikan
main khud hi miTne lagaa huun use miTaate hue

ek muddat se hain safar mein ham
ghar mein rah kar bhi jaise beghar se