begam se kah rahaa thaa ye koi khalaa-navard — Aziz Faisal

ishq mein ye tafraqa-baazi bahut maayub hai
pyaar ko shiia vahaabi aur sunni mat samajh

— Aziz Faisal

das baara ghazliyaat jo rakhtaa hai jeb mein
bazm-e-sukhan mein hai vo nishaani vabaal ki

— Aziz Faisal

na ye qaanun kaam aayaa thaa raanjhe ke zaraa saa bhi
usi ko bhains milti hai ho jis ke haath mein laaThi

— Aziz Faisal

kitni mazaahiya hai ye botal ke jin ki baat
aaqaa ab inqalaab hai do chaar din ki baat

— Aziz Faisal

aisi khvaahish ko samajhtaa huun main bilkul natural
doctor ko shahr kaa har mard o zan ill chaahiye

— Aziz Faisal

moarrikh likh na dein suqraat mujh ko
main lassi kaa piyaala pi rahaa huun

— Aziz Faisal

vo chaand hai to aks bhi paani mein aaegaa
kirdaar khud ubhar ke kahaani mein aaegaa

— Iqbal Sajid

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

chaand ne taan li hai chaadar-e-abr
ab vo kapDe badal rahi hogi

— Jaun Elia

bahut hasin raat hai magar tum to so rahe ho
nikal ke kamre se ik nazar chaandni to dekho

— Shariq Kaifi

sajda-e-ishq pe tanqid na kar ai vaaiz
dekh maathe pe abhi chaand numaayaan hogaa

— Siraj Lakhnavi