ye diyaa message twēter par fasaadi shakhs ne — Aziz Faisal

vo saaDi jewellery ke tahaaif pe thi ba-zid
ham sau ruupe ki shaal se aage nahin gae

hai kaamyaabi-e-mardaan mein haath aurat kaa
magar tu ek hi aurat pe inhisaar na kar

main ek bori mein laayaa huun bhar ke mung-phali
kisi ke saath december ki raat kaaTni hai

vo tiis saal se hai faqat biis saal ki
chehre pe aa chuki hai buzurgi jamaal ki

de rahe hain is liye jangal mein dharnaa jaanvar
ek chuhe ko rihaaish ke liye bil chaahiye

vo aftaari se pahle chakhte chakhte
khujurein aur pakauDe khaa chukaa hai